Բաց դռների օր (տևողությունը՝ 2.5 ժամ)

«Բաց դռների օր» ծառայության նպատակն է հանրապետության ազգաբնակչությանը և հյուրերին ներկայացնել «Հանրապետական անձավաբուժական կենտրոն»-ի (Ավանի հանք) հնարավորությունները շնչուղիների գործունեության բարելավման, ալերգիկ հիվանդությունների , բրոնխիալ ասթմայի և ընդհանրապես շնչուղիների հիվանդությունների կանխարգելման գործում:

Ծառայությունը «Առողջության օր» ծրագրից նախ տարբերվում է տևողությամբ (այս ծառայության շրջանակներում այցելուները չեն քնում, հետևաբար չի տրամադրվում հիվանդասենյակ) : Ծառայությունը հատուկ մշակված է այն անձնաց համար, ովքեր չեն կարող այցելությանը տրամադրել 5 ժամ, բայց ցանկանում են ծանոթանալ կենտրոնի հետ:

Ծառայությունը ներառում է՝ (Ավանի հանք)

• Վերելակով տեղափոխում ստորգետնյա բաժանմունք
• Սկանդինավյան քայլք 45-60 րոպե
• Շնչուղիների առողջական մարմնամարզություն բժշկի հսկողությամբ
• Բժշկի խորհրդատվություն անձավաբուժության օգուտների վերաբերյալ
• Ազատ ժամանց (սեղանի թենիս, բիլիարդ, շախմատ):